Բլոգ

                                      Երեխաների պաշտպանության միջազգային օր

Այս տոնը մինչ օրս նշվող  ամենահին տոներից մեկն է: Նման օր տոնելու որոշում կայացվել է 1925թ. Համաշխարհային Կոնֆերանսում՝ նվիրված Ժնևում երեխաների բարեկեցության հարցերի քննարկմանը: 1949թ. Կանանց Ժողովրդավարական միջազգային դաշինքը երեխաների օր անցկացնելու որոշում է ընդունում: 1959թ. ՄԱԿ-ի գլխավոր ասամբլեայի կողմից ընդունվում է երեխաների իրավունքների հռչակագիրը, իսկ 1989թ.՝ Երեխաների իրավունքների կոնվենցիան, որով երեխաները համարվում են խոցելի խումբ: Հայաստանում այդ կոնվենցիան վավերացվել է 1992թ, որից հետո՝ 1996թ. ընդունել է Երեխաների իրավունքների մասին ՀՀ օրենք:

        Թանգարանային այց

Թանգարանների միջազգային հանրությունը 1977 թ. մայիսի 18-ը նշում է որպես թանգարանների միջազգային օր: «Թանգարանային գիշեր» միջոցառումն անցկացվեց « Թանգարանը ոչ ֆորմալ կրթության միջավայր» խորագրի ներքո: Միջոցառման շրջանակներում բազմաթիվ գյումրեցիներ և հյուրեր հնարավորություն ունեցան այցելել թանգարաններ, ծանոթանալ թանգարանի մշտական ցուցադրությանը և մասնկացել թանգարանների նախաձեռնած տոնական  միջոցառումներին: Միջոցառումից անմասն չմնաց նաև Գյումրիի «Զանագակ»

Տնօրեն Անահիտ Շուխյանի նախաձեռնությամբ կազմակերպվեց ու անցկացվեց թանգարանային այց: Տիկին Շուխյանը կարևորում է հոգևոր դաստիարակությունը: Համարում է, որ թագարաններից կարելի է հոգևոր այնպիսի  երանություն ստանալ, որպիսին  հնարավոր չէ ստանալ ոչ մի այլ վայրից: Թանգարանը մի վայր է, որտեղ մարդ հոգևոր սնունդ կարող է ստանալ, այդպիսի մարդը ունակ է արձագանքելու  կյանքի գեղեցիկին, բարուն ու ամեն դրականին, իսկ տգեղն ու բացասականը՝ մերժելու:

                                               Հոբելյան

Այսօր «Զանգակ» նախակրթարանի սան Կարեն Մկոյանի ծննդյան տոնն է: Նա դարձավ 4 տարեկան: Նախակրթարանի տնօրեն տիկին Անահիտի նախաձեռնությամբ ստեղծվեց համապատասխան տոնական տրամադրություն: 

                                                                               Եղեռն

Շուրջ 2 մլն հայերի ոչնչացնելով, ցաքուցրիվ անելով և նրանց ունեցվածքը զավթելով, երիտթուրքերը ծրագրել էին ոչնչացնել հայերին: Օսմանյան Թուրքիան գայլային վերաբերմունք է ունեցել առհասարակ իր նվաճած տարածքներում ապրող ազգային փոքրամասնությունների՝ հույների, բուլղարների, սլավոնների, քրդերի, հայերի նկատմամբ:

Դա պետականորեն ծրագրված ժողովրդասպանություն էր, որն իրականացվել է մի այլ ազգի պատկանելու , մի այլ կրոն ունենալու պատճառով:

Ժողովուրդների պատմության մեջ իրադարձություններ են լինում, որոնք չեն մոռացվում ոչ միայն սերունդների կյանքում, այլև՝ պատմության մեջ:Այս ամենն այսօր ուզում են ներկայացնել այլ կերպ,ուզում են գայլին ներկայացնել գառան մորթով:

Ոչնչացրեցին արևմտահայության 70%-ը, զավթեցին Հայոց երկրի շուրջ 200 000ք. Կմ տարածությունը: Հայ ցեղասպանության ճիրաններից հրաշքով փրկված մի փոքր զանգված, թողնելով նախնյաց երկիրը, տարիների ընաթցքում վաստակով ձեռք բերածը, փախան դեպի  օտարություն, աստղերի պես սփռվեցին աշխարհով մեկ: Այդպիսի զարհուրելի ճակատագիր պատմության մեջ չի տեսել աշխարհի ոչ մի ժողովուրդ:

Այսօր արդեն հայ դատը մտել է համազգային ատյան:

                                                        Հոգու դարբնոց

Իմաստունը նա չէ, որ շատ գիտի այլ նա ում գիտելիքները օգտակար են: Էսքիլես

<< Զանգակ >> նախակրթարանում ավագ խմբերում անցակացվում են վաղ գրաճանաչության  պարապմունքներ: Այսօր պարապմունքի թեման էր Կ հնչյուն-տառի ուսուցումը և անցած Մ և Տ հնչյուն-տառերի կրկնությունը: Սաները ներկայացրեցին թե ինչից  են կազմված նախադասությունները: Եվ, որ նախադասություններն էլ իրենց հերթին կազմված են բառերից: Բառերն էլ՝ հնչյուններից: Հնչյունները լինում են երկու տեսակի: Ապա՝ պարապմունքը ընդհանվեց ֆիզկուլտ դադարով: Այնուհետև դաստիարակը բաժանեց տետրերը և սաները սկսեցին աշխատել տետրերով՝ ուրվագծելով նոր սովորած տառի ուրվագիծը:

Աննա Սարգսյան

                                        Ապրիլի 7-ի օրվա խորհուրդը

Ի՞նչ էր սա: Միայն ավետի՞ս, որը տրվեց Մարիամին, թե՞ ավելին: Միանշանակ՝ ավելին, քանզի այն տրվեց ոչ միայն Սուրբ Մարիամին, այլև համայն մարդկությանը: Աննկարագրելի և անբացատրելի է այն իրողությունը, երբ կինը շուրջ ինն ամիս իր սրտի տակ կրում է իր նմանին: Երբ մեկ մարմնի մեջ բաբախում են երկու, երբեմն էլ ավելի սրտեր: Ինչպես Աստվածածինն ավելի մոտ դարձավ  Աստծուն, նույնպես էլ բոլոր կանայք իրենց հղիությամբ մոտենում են Արարչին՝ նմանվելով Նրան՝ իբրև նոր կյանք պարգևող էակներ:

                                                                                                                                                           Աննա Սարգսյան

                                    Սուրբ Մարիամ Աստվածածնի Ավետման տոնը

<< Օրհնյալ ես դու ի կանայս, և օրհնյալ է պտուղ որովայնի քո >> Ղուկ. Ա 42-43

Ապրիլի 7-ին բոլոր եկեղեցիներում Սուրբ Պատարագ է մատուցվում,  և մայրության բերկրանքին սպասող կանանց օրհնության կարգ է կատարվում: