Բլոգ

                                        Ապրիլի 7-ի օրվա խորհուրդը

Ի՞նչ էր սա: Միայն ավետի՞ս, որը տրվեց Մարիամին, թե՞ ավելին: Միանշանակ՝ ավելին, քանզի այն տրվեց ոչ միայն Սուրբ Մարիամին, այլև համայն մարդկությանը: Աննկարագրելի և անբացատրելի է այն իրողությունը, երբ կինը շուրջ ինն ամիս իր սրտի տակ կրում է իր նմանին: Երբ մեկ մարմնի մեջ բաբախում են երկու, երբեմն էլ ավելի սրտեր: Ինչպես Աստվածածինն ավելի մոտ դարձավ  Աստծուն, նույնպես էլ բոլոր կանայք իրենց հղիությամբ մոտենում են Արարչին՝ նմանվելով Նրան՝ իբրև նոր կյանք պարգևող էակներ:

                                                                                                                                                           Աննա Սարգսյան

                                    Սուրբ Մարիամ Աստվածածնի Ավետման տոնը

<< Օրհնյալ ես դու ի կանայս, և օրհնյալ է պտուղ որովայնի քո >> Ղուկ. Ա 42-43

Ապրիլի 7-ին բոլոր եկեղեցիներում Սուրբ Պատարագ է մատուցվում,  և մայրության բերկրանքին սպասող կանանց օրհնության կարգ է կատարվում:

Սուրբ Հարության տոնը << Զանգակ >> նախակրթարանում

Այս տարի Սուրբ Հարության տոնը նշվեց մարտի 31-ին: << Զանգակ >> նախակրթարանը յուրովի էր նախապատրաստվել տոնին : Նախակրթարանում տիրում էր տոնական տրամադրություն: Միջանցքում, դահլիճում, խմբերում զարդարանքը համահունչ էր տոնին: Սաները Հիսուս Քրիստոսի ավետման լուրով ազադարարեցին միջոցառման բացումը: ՆԵրկայացրեցին թե՛ Բուն Բարեկենդանի և թե՛ Մեծ Պահքի շաբաթապահքերը, և Փրկչի երկնային կյանքի վերջին կարևորագույն իրադարձությունները՝ Հաղթական մուտքը Երուսաղեմ՝ Ծաղկազարդ, Վերջին ընթրիքը,  Մատնությունը,  Չարչարանքները, Խաչելությունը, Թաղումը և ի վերջո հրաշափառ Հարության տոնը՝ Սուրբ Զատիկը: Ապա՝ թե ինչպես են հայ քրիստոնյա կանայք նախապատարստվում Զատկի տոնին: Մեկնաբանեցին, որ ձուն համարվում է հարության և նոր կյանքի սկզբնավորման խորհրդանիշ: Իսկ կարմիր գույնը խորհրդանշում է խաչյալ Հիսուսի կենդանարար արյունը, որ թափվեց մարդկության փրկության համար: Այնուհետև խաղացին ձվախաղ, համտեսեցին զատկական կերակուրներ