Ապագա տնտեսագետ , թե՞....
 Ալեքսան Մելքոնյան. պարզ ու վճիտ աչքերով մի պատանի, որի հոգում այնքան բարություն կա, որ երևի կբավականացնի ողջ մարդկությանը: Հենց առաջին պահից գրավում է նրա ժպտուն հայացքն ու տղամարդուն բնորոշ կեցվածքը: Ալեքսանը ծնվել է 1998թ. Գյումրիում: Սովորում է թիվ 25 դպրոցում: Դպրոցում ունի բարձր առաջադիմություն: Տիրապետում է ռուսերեն և անգլերեն լեզուներին: Սիրում է նկարել: Նկարում է դիմանկարներ, բնանկարներ: Ալեքսանը դեռ 14 տարեկան է և բոլոր իր հասակակիցների նման երազկոտ է ու լավատես, հավատում է իր ուժերին ու երազանքների իրականացմանը: Նրա կարծիքով առանց հույսի, առանց վառ երազի տխուր, անհետաքրքիր և դժվար է ապրելը ցանկացած տարիքում: Մարդկային հատկանիշներից առավել բարձր է գնահատում անկեղծությունը, համեստությունն ու օգնել պատրաստակամությունը: Իր կյանքի ամենամեծ ձեռքբերումը համարում է հարազատների ու ընկերների սերն ու հարգանքը:
Եթե մարդն, իրոք, Աստծո ստեղծագործությունն է օժտված ազատ կամքով ու անմահ հոգով, ուրեմն ճակատագրի կողմից սահմանված կոչումն էլ պիտի ունենա: Ալեքսանի կոչումն է տնտեսագետ դառնալ:
Որևէ բարձունք նվաճելը կամ ինքնահաստատման հասնելը գերազանց գնահատականներով վկայական ստանալը չէ: Կյանքի ճանապարհը լի է խոչընդոտներով, որոնք պետք է պատվով
հաղթահարել, Իսկ Ալեքսանը չի վախենում խոչընդոտներից: Դրանք օգնում են, որ նա ավելի ուժեղ ու նպատակասլաց դառնա: Լի եռանդով ու հաստատակամությամբ, և համոզված է, որ շատ բարձունքներ է հաղթահարելու: Վստահ է, որ իր նպատակասլացությամբ ու աշխատասիրությամբ կհասնի իր նպատակներին:
Ալեքսանի իդելաների գեղեցկուհին մայրն է: Մոր գեղեցկությունը շրջապատված է բանաստեղծական լուսապատկերներով: Կարծում է, որ մարդ չի կարող դառնալ հոգեպես հարուստ, եթե չի խոնարհվում մոր
սրբության, գեղեցկության ու վեհության առջև:
Իր մարդկային իդեալը Ալեքսանը տեսնում է մորեղբոր մեջ: Որին էլ ձգտում է նմանվել՝ բարությամբ, մարդկային հատկանիշներով, անադավաճան սկզբունքներով:
Ալեքսանը դեռ նոր է կյանք մտնում: Նա նման է այն ծովագնացին, որը մտքերի մեջ խորասուզված կանգնած է այն անծայրածիր օվկիանոսի առջև, որի անունն է Կյանք: Միայն նա կարող է դառնալ իսկական մարդ, ով վստահորեն նայում ու ձգտում է դեպի առա
ջ, գիտի, թե ինչ պիտի անի իր կյանքում և ինչ է ուզում կյանքից:
 Մենք բոլորս լի ենք վարդագույն երազներով ու ապագայի նկատմամբ վառ հույսերով, բայց մենք ապրում ենք մի աշխարհում, որտեղ կողք կողքի ապրում են լավն ու վատը, չարն ու բարին: Իսկ ինչպիսին է երազում տեսնել իր ապագան Ալեքսանը:
Նա ուզում է, որ աշխարհում տիրի խաղաղություն, որ աշխարհը զերծ լինի միջուկային պատերազմի սպառնալիքից: Ուզում է, որ բոլոր մարդիկ բարյացակամ լինեն միմյանց նկատմամբ, պատրատ միմյանց օգնելու:
Մեր կյանքը ճանապարհ է, երազանքը՝ ուղեցույց: Երբ ուղեցույց չկա, ամեն ինչ կանգ է առնում: Յուրաքանչյուր ոք ունի երազանք, որը, համենայնդեպս անձամբ իրեն թվում է մեծ: Իսկ այնտեղ, ուր վերջանում է երազանքը, վերջանում է կյանքը:
Սիրելի՛ Ալեքսան, մաղթում եմ քեզ երազանքների իրականացում: Այնպես ապրի՛ր, որ խղճի լույսի ներքո հոգուդ մեջ նայելով համոզվես, որ կարող ես իրոք հպարտանալ քո ապրած կյանքով, որ չկարմրես քո արածների համար: Եվ միշտ հիշի՛ր, որ նա, ով համարձակություն ունի, կարող է կերտել երջանիկ ապագա: Դրա համար պետք է պայքարել ու երբեք չվախենալ դժվարություններից:
|
